15 наурызда сағат 20:00 шамасында Авангард терминалында атыс болды. Шабуылшы екі жігітті атып, үшіншісін ауыр жаралады, деп хабарлайды «Ақ Жайық».
Басылымның мәліметінше, шабуылдаушы Калашников автоматынан оқ атқан. Қала іргесіндегі Еркінқала ауылының 27 және 22 жастағы тұрғындары оқиға орнында көз жұмды. Тағы бір 26 жастағы ер адам басынан оқ жарақатымен облыстық ауруханаға жеткізілді.
Көп ұзамай оқиға орнынан тағы бір марқұм табылғаны хабарланды.
Алдын ала мәлімет бойынша, оқ атқан адам қашып кеткен, полиция оны іздеп жатыр. Оқиға орнында Атырау облыстық ІІД жедел-тергеу тобы жұмыс істеп жатыр. Кейін атыс жасаған күдіктінің ұсталғаны белгілі болды.
