Видео саябақтың Instagram желісіндегі парақшасында жарияланды.
Объективке төрт сілеусін түсіп қалды. Оның бірі ұрғашы, қалған үшеуі балалары.
Бұл сирек кездесетін құбылыс. Әдетте сілеусіннің 2 баласы болады. Ал бұл сілеусінде үшеу екен. Мұндай оқиға ұлттық саябақта сілеусін үшін қолайлы өмір сүру жағдайы бар екенін көрсетеді. Олардың негізгі азығы – сібір тау ешкісінің, жабайы қабанның баласы және сирек кездесетін кекіліктер, – делінген хабарламада.
«Алтынемел» – Алматы облысындағы Іле өзенінің алқабындағы мемлекеттік ұлттық табиғи парк.
Еске сала кетейік, наурызда Шығыс Қазақстан облысының таулы аймақтарында барыс видеоға түсіп қалғаны хабарланған еді.
