«Қазақстан Республикасында зейнетақымен қамсыздандыру туралы» Заңның нормалары 2020 жылы күшіне енуі тиіс болса, Елбасы жұмыс берушілер есебінен зейнетақы жарналарын енгізуді 2023 жылға дейін шегеруді тапсырды. Бизнес есебінен жұмыс берушінің міндетті зейнетақы жарналарын (ЖМЗЖ) енгізу туралы келісілген шешім бойынша тиісті жұмыстар жүргізілді ме? 2023 жылдан бастап Қазақстан Республикасында жұмыс берушінің міндетті зейнетақы жарналары енгізіле ме? – деп сұрады сұрақ қоюшы.
Еңбек министрлігінің жауабына сәйкес, Қазақстан Республикасының зейнетақы жүйесін 2030 жылға дейін одан әрі жаңғырту тұжырымдамасында 2014 жылы жұмыс берушілердің 5% міндетті зейнетақы жарналарын енгізу қарастырылған болатын. 2015 жылы заңды түрде бекітілді.
Жұмыс берушінің міндетті зейнетақы жарналарын енгізу 2018 жылдың 1 қаңтарында басталуы керек еді. Алайда, міндетті әлеуметтік медициналық сақтандыруды енгізу жоспарланып отырғанын ескере отырып, бұл түзетулердің күшіне ену мерзімдері 2020 жылға шегерілді. 2019 жылы мемлекет басшысының тапсырмасы бойынша заңнамалық түзетулер қабылданды, оларға сәйкес жұмыс берушінің міндетті зейнетақы жарналарын енгізу мерзімі 2023 жылға ауыстырылды. Еңбек министрлігі
Осылайша, қолданыстағы заңнамаға сәйкес ЖМЗЖ енгізу 2023 жылғы 1 қаңтарға жоспарланды.
Еске салайық, жұмыс берушінің міндетті зейнетақы жарналары (ЖМЗЖ) республиканың жинақтаушы зейнетақы жүйесінің жаңа құрамдас бөлігі, оны енгізу 2023 жылға жоспарланған.