"Қазгидромет" РМК мәліметінше, 19 сәуірде Түркістан облысының батысында, оңтүстігінде және таулы аймақтарында найзағай ойнап, дауыл соғады деп күтіледі.
Облыстың солтүстігінде, батысында шаңды дауыл тұрады. Өңірдің таулы аймағында, тау бөктеріндегі аудандарда солтүстік-шығыстан жел соғады, екпіні 15-20 м/с жетеді.
Шымкентте 19 сәуірде синоптиктер күн күркіреп, қатты жел соғады деп болжайды.
Сонымен қатар, Түркістанда найзағай ойнап, шаңды дауыл тұрады.
19 сәуірде күндіз Солтүстік Қазақстан облысының оңтүстік-батысында оңтүстік-батыстан жел соғады, екпіні 15-20 м/с жетеді.
19 сәуірде Қарағанды облысының оңтүстігінде, шығысында солтүстік-шығыстан соққан желдің екпіні 15-20 м/с, өңірдің оңтүстік-шығысында соққан желдің екпіні 23 м/с жетеді.
Қызылорда облысының орталығында-солтүстік-шығыстан соққан желдің екпіні 15-20 м/с құрайды.
Сондай-ақ, Атырау облысының батысында оңтүстік-шығыстан соққан жел екпіні 15-20 м/с жетеді.
19 сәуірде Алматы облысының таулы аумақтарында және тау бөктерінде оңтүстік-шығыстан жел соғады, екпіні 17-22 м/с құрайды, найзағай ойнайды, ал Жалаңашкөл ауданындағы жел екпіні 25 м/с жетеді.