Оңтүстік Африка Республикасының президенті Сирил Рамафоса КваЗулу-Натал провинциясындағы су тасқыны салдарынан елде табиғи апат орын алды деп жариялады. Рамафоса режимнің енгізілгенін Twitter-де жариялады.
Бұған дейін су тасқынынан қаза тапқандар саны 443 адамға жеткені белгілі болған. Кем дегенде 120 мектепті су басқан.
Су тасқынына бір апта бұрын басталған толассыз жауын себеп болған. Билік келтірілген шығын 684 миллион долларға тең деп отыр.