Сақалтай – жыртқыш құстар отрядының қаршығатәрізділер тұқымдасына жататын ірі құс. Ел арасында оларды қозықұмай, көкжөре деп те атайды. Оның балапанының өмірге келуі өте қиын әрі қызық. Мұндай процесті бақ қызметкерлері Алматы зообағының Instagram-дағы ресми парақшасында бөлісті.
Қымбатты достар! Сіздер балапанның өмірге қалай келетінін білесіздер ме? Бүгін біз сіздерге сақалтай балапанының өмірге қалай келетінін көрсетеміз. Зообағымыздағы сақалтайлар 2019 жылдан бастап жұп құрып, содан бері жыл сайын жұмыртқа басып, балапан шығарады.Алматы зообағы
Бақ қызметкері, орнитолог Назгүл Елдеева зообақтағы бірнеше ондаған құстың жұмыртқа жарып, дүниеге келу процесіне куә болған. Сондай құстардың қатарында субүркіт, бүркіт, сұңқар, ителгі, тазқара сияқты сирек кездесетін және жойылу алдында тұрған бірнеше құс бар.
