Қызметте ерекше көзге түскен тәртіп сақшыларын марапаттау рәсімі ПД-де өтті.
Жеке құрам алдында сөз сөйлеген Алматы қалалық ПД бастығы, полиция генерал-майоры Қанат Таймерденов, Отан қорғаушылардың ерліктері - өздерін әскери мамандыққа арнаған және өз елінде тыныштық болуы үшін қызмет ететін адал жастарды тәрбиелеуде тұрақты мектеп екенін атап өтті.
«Сіздерді ерлік пен батылдықтың символы – Отан қорғаушылар Күнімен құттықтауға рұқсат етіңіздер! Бұл әрбір адал адам мен саналы азамат үшін нағыз патриотизмнің үлгісі, халқымыздың барлық ұрпақтарының бірлігінің айқын дәлелі. Сіздерге мызғымас ерік-жігер, сенімді отбасылық тыл, зор денсаулық, барлық тілектеріңіз бен армандарыңыздың орындалуын, Отанымыз – Қазақстан Республикасының игілігі жолындағы қажырлы еңбекте биік жетістіктер тілеймін», - деді, Қанат Таймерденов.
