Шымкент полицейлері лифтте баласы бар әйелге шабуыл жасаған күдіктіні ұстады.
Қаратау аудандық ішкі істер бөліміне 25 мамыр күні жергілікті тұрғынның арызы келіп түскен. Әйел белгісіз біреудің оны үйдің лифтінде зорламақ болғанын хабарлады.
Полицейлер күдіктіні анықтау және оны ұстау үшін тәжірибелі жедел уәкілдерден арнайы топ құрды. Істі ПД басшылығы ерекше бақылауға алды.
Бірнеше сағат ішінде полицейлер күдіктіні анықтады. Бұл жас жігіт, мегаполис тұрғыны болып шықты. Оны қылмыстық қудалаудан жасырынбақ болған Шиелі стансасындағы вагондардың бірінде жедел топ ұстады. Шымкент қаласының ПД
Күдікті Қаратау аудандық полиция бөліміне жеткізілді. Қазір тергеу амалдары жүргізілуде.
