Ержан Тоқтарханов 1975 жылы Шығыс Қазақстан облысында дүниеге келген. Экономист және заңгер мамандығы бойынша білім алған. Шығыс Қазақстан университетін, С.Аманжолов атындағы Шығыс Қазақстан мемлекеттік университетін бітірген.
Мемлекеттік қызметтегі еңбек өтілі 24 жыл. 1997 жылдан бастап салық инспекторынан Өскемен қаласы бойынша Салық комитетінің төрағасына дейін жұмыс істеді.
Осы жылдары Қарағанды облысы бойынша Мемлекеттік кірістер департаментінде басқарма басшысы қызметін атқарды, сонымен қатар Астана қаласы Сарыарқа ауданы бойынша Мемлекеттік кірістер басқармасын басқарды.
2019 жылдан бастап қазіргі уақытқа дейін Қазақстан Республикасы Қаржы министрлігі Мемлекеттік кірістер комитеті Бақылау департаментінің және Ақпараттық технологиялар департаментінің директоры лауазымдарын атқарған.