Облыстық ТЖД хабарлауынша, газ-түтіннен қорғау қызметінің өкілдері пәтердің кіреберіс темір есігін ашқан соң, дәлізде кереует үстінде 2015 жылы туған ұл баланы тапқан. Ол есінен танып қалды.
Аға өрт сөндіруші-құтқарушы Дастан Сүлейменов балаға «Фенист» құтқару құралын кигізіп, оны көтеріп көшеге алып шыққан. Зардап шегуші облыстық балалар ауруханасына жатқызылды. Павлодар облысы Төтенше жағдайлар департаментінің баспасөз қызметі
Облыстық денсаулық сақтау басқармасы жеті жасар баланың жағдайын айтты.
Баланың жағдайы орташа ауырлықта, нашарлаған жоқ. Соматикалық бөлімде жатыр, толық ем алады. Павлодар облысы денсаулық сақтау басқармасының баспасөз қызметі