Видеода Димаштың сахнаға плакатпен шыққан жанкүйеріне құттықтау әнін шырқап берген сәті көрсетілген. Димаштың Чилиден арнайы келген жанкүйері әншіге жақындап келіп, плакатын көрсетеді. Плакатқа «16 сәуір – менің туған күнім. Оны сенімен бірге тойлауға Чилиден келдім» деп жазылған. Димаш бірден оның есімін сұрап, сахнада тұрып, жанкүйерін туған күнімен ән арқылы құттықтайды.
Арнау турынан жағымды естеліктер. Бұл тур көп нәрсені басынан өткерді. Осы турдың әр сәті, әр ел, әр қала есімде, барлық тыңдаушыларымның жүзі және әр әннен кейінгі реакциясы есімде. Бұл – қазірдің өзінде тарих, біз бен сіздің тарихымыз. Барлығы үшін рақмет, – деп жазды Димаш Құдайберген.
