Қазақстанның басым бөлігінде найзағай ойнап, жел күшейеді, республиканың солтүстік-батысында бұршақ жаууы мүмкін, оңтүстік-батыс пен оңтүстікте шаңды дауыл күтіледі. «Қазгидромет» РМК
Болжам бойынша еліміздің оңтүстік және оңтүстік-шығыс облыстарында ғана жауын-шашынсыз ауа райы сақталады.
Түркістан, Қызылорда, Жамбыл облыстарының басым бөлігінде, Атыраудың оңтүстігінде, Батыс Қазақстан облыстарының оңтүстік-батысында төтенше өрт қаупі күтіледі.
Синоптиктер сонымен қатар, мынадай ақпарат берді:
күндіз Түркістанның басым бөлігінде, Маңғыстау, Ақтөбе, Ұлытауда, Алматының батысында, Жетісуда, Батыс Қазақстанның оңтүстігінде, Атырау, Қостанай, Қарағанды, Ақмола облыстарының оңтүстік-батысында қатты ыстық күтіледі;
қатты ыстық – күндіз Қызылорда, Жамбыл облыстарының басым бөлігінде, Маңғыстау, Ұлытау облыстарының оңтүстігінде.
Бұған дейін синоптиктер Алматының 20-22 шілде күндеріне арналған ауа райы болжамын ұсынған болатын.