Видео Telegram-дағы арналардың бірінде жарияланды. Өрт Кеңсай қорымының аумағында болғаны хабарланды.
Ведомствоның баспасөз қызметінен түскен мәліметке қарағанда, Алматы қаласы Төтенше жағдайлар департаментінің табиғи өрттерді сөндіру бойынша біріккен тобы (100 адам мен сегіз техника) Медеу ауданындағы тау бөктерлерінің Сәрсенбаев көшесіндегі 210, 220, 232, бірнеше учаскелерінде құрғақ шөптің тұтануын жойып жатыр.
Өрттің жеке тұрғын үйлерге таралу қаупі бар.Алматы қаласы Төтенше жағдайлар департаментінің баспасөз қызметі
Еліміздің екі облысында – Қостанай мен Шығыс Қазақстан облыстарында бірнеше күннен бері табиғи өрт сөндірілді.
2 қыркүйекте Қостанай облысының екі орман шаруашылығының аумағында өрт шықты, оның аумағы 4 қыркүйекте 43 мың гектардан асты.
Бірнеше ауданның тұрғындары эвакуацияланды. Өрт салдарынан 11 адам зардап шекті, біреуі қаза тапты. Төтенше жағдайға байланысты Президент Қасым-Жомарт Тоқаев өңірге жұмыс сапарымен барып, Әулиекөл ауданындағы дала өрттерін жою жұмыстарының барысын бағалады.
ҚР Төтенше жағдайлар министрлігінің басшысы Юрий Ильиннің айтуынша, өрт алдағы екі күнде оқшауланады.
Шығыс Қазақстанда екі өрт сөндіріліп жатыр: біреуі "Зырян орман шаруашылығы" КММ, Быков орман шаруашылығы, екіншісі – "Марқакөл орман шаруашылығы" республикалық мемлекеттік мекемесі, Бобровский орман шаруашылығы және Төсқай ауылдық округі аумағында.