Ауыл шаруашылығы министрлігі басшысының айтуынша, Қостанай облысындағы өрт кезінде егін алқаптары зардап шеккен болса, олар мардымсыз болған.
Қазір комиссияның соңғы қорытындысын күтіп отырмыз. Бұл азық-түлік қауіпсіздігіне ешқандай әсер етпейді. Сондықтан егін жиналды, ысырап жоқ. Ербол Қарашүкеев
Министрдің айтуынша, қазірдің өзінде ел бойынша егіннің 60 пайызға жуығы жиналды.
2 қыркүйекте Қостанай облысының екі орман шаруашылығының аумағында өрт шықты, оның аумағы 4 қыркүйекте 43 мың гектардан асты. Бірнеше ауданның тұрғындары эвакуацияланды. Өрт салдарынан 12 адам зардап шекті, біреуі қаза тапты. Төтенше жағдайға байланысты Президент Қасым-Жомарт Тоқаев өңірге жұмыс сапарымен барып, Әулиекөл ауданындағы дала өрттерін жою жұмыстарының барысын бағалады.
7 қыркүйек күні сағат 15:00-де ҚР Төтенше жағдайлар министрлігінің басшысы Юрий Ильин Қостанай облысы Әулиекөл ауданындағы табиғи өрттердің локализацияланғанын айтты.
