2022 жылдың 3 қазанында әуежайдың баспасөз қызметі видеоға түсініктеме берді.
Біз жөнелтілетін рейстердің бірін өңдеу кезінде жүкті (жолаушы багажы емес) тиеу тәртібінің бұзылғанын растаймыз. Жүкті тиеуге қатысқан қызметкерлер тәртіптік ескертулер алды, - деп хабарлады баспасөз қызметі.
Алматы халықаралық әуежайының мәліметінше, мұндай қатеге жол бермеу үшін әуежайдағы барлық жүк тиеу қызметкеріне нұсқау және жүкті дұрыс сұрыптау бойынша жадынамалар берілді.
Жүк тиеу процедураларының дұрыстығын бақылау үшін қосымша тексерулер жүргізіліп жатыр, - деп түсіндірді әуе айлағы.
Баспасөз қызметі сонымен қатар Алматы халықаралық әуежайы кез келген байланыс құралы арқылы түскен жолаушылардың барлық өтінішін ескереді деп сендірді.
Видеоны Instagram желісіне Тимур Артюхин жариялады.
20 шілдеде Алматы әуежайының жаңа халықаралық жолаушылар терминалының концептуалды жобасын қоғамдық талқылау өтті. Әуежай өкілдері түпкілікті шешім қабылдау кезінде барлық ұсыныс пен ескертулер ескерілетініне сендірді.