polisia.kz ақпараттық порталының жазуынша, 10 қазан сағат 21:00-ден бастап елорда аумағына кіру стационарлық бақылау бекеттері негізінде күшейтіледі. Посттарда Қазақстан Республикасы Қорғаныс министрлігінің полиция қызметкерлері мен әскери қызметшілерінен тұратын мобильді топтар тәулік бойы жұмыс істейді.
Қаланың жаңа әкімшілік орталығында жүргізіліп жатқан іс-шараларға байланысты жолдың кейбір учаскелерінде қозғалысты уақытша ішінара шектеумен күзетілетін адамдарға ілесіп жүру ұйымдастырылады, – делінген хабарламада.
Сондай-ақ, көші-қон заңнамасын бұзудың алдын алу және жолын кесу мақсатында 1 қазаннан бастап республикалық жедел-профилактикалық іс-шара өткізіліп жатқаны хабарланды. Жол қауіпсіздігін қамтамасыз етуге және жол қозғалысы ережелерін сақтауға ерекше назар аударылады.
Астана полиция департаменті елорда тұрғындары мен қонақтарын жағдайға түсіністікпен қарауды сұрап, ыңғайлы болу үшін қоғамдық көлікті пайдалануды ұсынды.