Оның айтуынша, қазанда валюта нарығында қалыпты құбылмалылық байқалды.
Бір айдың ішінде динамика әртүрлі бағытта өрбіді. Қазанның қорытындысы бойынша, теңге 1,7%-ға нығайды. Мұнай бағасының өсуі де теңгенің нығаюына түрткі болды. Базалық мөлшерлемені көтеру және квазимемлекеттік сектор субъектілерінің сатуы да теңгеге қолдау көрсетті.Әлия Молдабекова
Ол қазанда Ұлттық қордан валютаны сату 362 млн АҚШ доллар болғанын, бұл ретте бір сауда күні ішінде сату көлемі 30 млн АҚШ долларынан аспағанын атап өтті.
Бұл ретте Ұлттық банк өкілі Ұлттық қордан валютаны сату тек республикалық бюджетке трансфертті қамтамасыз ету қажет болған жағдайда ғана іске асырылатынын еске салды.
Біздің тарапымыздан осы операциялардың валюта нарығындағы ағымдағы сентиментке әсерін барынша азайту үшін барлық күш-жігер жұмсалуда. Валютаны сату бойынша мәмілелерді іске асыру кезінде Ұлттық Банк price-taker ретінде әрекет етеді, яғни, өз өтінімдерін қоймай, қолда бар өтінімдер бойынша «жұмыс жүргізеді». Нарыққа қатысушылардың бағасымен келісе отырып, біз операциялардың нарықтық бағамға әсерін жоққа шығарамыз.Әлия Молдабекова
Ұлттық банк төрағасының орынбасары қазір валюта нарығы теңгерімді болғандықтан, валюталық интервенциялар жүргізу қажет болмағанын айтып өтті.
