Мемлекет басшысы қоршаған ортаны қорғау мәселелері үнемі назарында екенін атап өтті.
"Мен алматылықтарды ауаның жоғары ластануы қатты алаңдатып отырғанын білемін. Бұл мәселе қала тұрғындары үшін маңызды мәселелердің біріне айналды және тез арада шешуді қажет етеді". Қасым-Жомарт Тоқаев
Жыл сайын атмосфераға ластаушы заттардың шығарындыларының көлемі шамамен 125 мың тоннаны құрайды. Негізгі көздер – автокөліктер (55%), қалалық жылу электр станциялары және өнеркәсіптік кәсіпорындар (35%), сондай-ақ газдандырылмаған жеке үйлер (шамамен 10%). «Жел раушанын» есепке алмаған, қалаға таза ауаның кіруіне кедергі келтіретін тығыз ғимараттар жағдайды қиындатып отыр. Жол-көлік жүйесінің тиімділігін арттыру арқылы біз қала экологиясын айтарлықтай жақсарта аламыз.
Жаңа технологиялар мен ақылды трафиктің арқасында азаматтардың ұтқырлығы қоршаған ортаға кері әсерін тигізбейді. Әкімдік қалада, ең алдымен, өнеркәсіптік кәсіпорындардың экологиялық қауіпсіздік нормаларын сақтауын қатаң қадағалауы керек. 2-ЖЭО және 3-ЖЭО-ны газға көшіру зиянды шығарындылар деңгейін он еседен астамға азайтады, деді президент.