Бақылаушылар Қазақстандағы сайлауды "үлгі алуға тұрарлық" деп бағалады.
"Процесс өте мазмұнды, дайындық жоғары деңгейде. Қазақстандағы сайлау – басқа елдерге көрсеткіш", – дейді бақылаушы Тілек Шығай.
Бұл пікірді Қырғыз Республикасы ОСК жанындағы аумақтық сайлау комиссиясының арнайы өкілі Әбдуәлі Хамраев та қолдады.
"Ашықтықты қамтамасыз ету үшін сайлау басталғаннан дауыстарды санағанға дейін сайлау учаскесінде болуға мүмкіндігі бар халықаралық бақылаушылар қарастырылған. Біз 10-нан астам сайлау учаскесіне бардық. Барлығы жоғары деңгейде", – деді ол.