Ордабаев ұлттық жоба аясында және басқа да бағыттар аясында ұсынылып отырған жұмыспен қамтудың бірқатар шаралары уақытша екенін, өйткені олар жұмыссыздарға қысқа мерзімді қолдау көрсетуге арналғанын айтты.
"Шынымен де, жұмыспен қамтуға жәрдемдесудің бірқатар белсенді шаралары қысқа мерзімді. Бұл жұмыссыз қалған азаматтарды бір сәт қолдау үшін жасалады. Кейіннен олардың бір жерден жұмыс табуға мүмкіндігі бар".Еңбек және халықты әлеуметтік қорғау вице-министрі Олжас Ордабаев
Вице-министрдің айтуынша, 2022 жылғы 1 қарашадағы жағдай бойынша 10 республикалық жоба мен жұмыспен қамтуға жәрдемдесудің басқа да шаралары аясында қазірдің өзінде 764,8 мың адам жұмысқа орналасты. Оның ішінде тұрақты жұмыс орындарына орналасқаны – 556,1 мың адам.
Олжас Ордабаев 2022 жылғы 1 тамызда ҚР Еңбек және халықты әлеуметтік қорғау вице-министрі болып тағайындалды.
