"Қазгидромет" РМК мәліметі бойынша, 15-17 желтоқсан аралығында Қазақстан аумағының басым бөлігінде негізінен ауа райы жауын-шашынсыз болады. Республиканың солтүстік облыстарында ауа температурасы түнде -23...-28°С-қа дейін төмендейді.
"Тек орталықта, оңтүстік-батыста, 17 желтоқсанда республиканың шығысында қар жауып, аздаған бұрқасын болады. Қазақстанның оңтүстік облыстарын тұман басады", - делінген хабарламада.
Бұған дейін Шымкентте және республиканың үш облысында дауылды ескерту жарияланғаны хабарланған еді. Синоптиктер 14-16 желтоқсан аралығында қатты аяз, жел, тұман және қар жауатынын ескертті.
