Қаңтар басталғалы боран соғып, кейін күн күрт жылып қар еріді. Ал апта басында аяз күшейіп, кей кездері -30 градусы көрсетті, деп жазады qazaqstan.tv.
Салдарынан көшелер көктайғаққа айналды. Аурухананың жарақат бөліміне тәулігіне 100-ге жуық адам түседі екен. Басым дені – құлап жарақат алғандар.
Коммуналдық қызмет өкілдері жаяу жүргінші соқпағы мен жолдардың мұзын аршып үлгермей жатыр.
Соңғы екі аптада 1600 адам медициналық көмекке жүгінді. Қазір далада көктайғақ. Мұздан құлап, жарақат алғандар жиіледі. Тұрғындарға көшеде абайлап жүруге кеңес береміз. Ерік Шонбаев, Х. Мақажанов атындағы травматология және ортопедия ауруханасы ахуал орталығының меңгерушісі