Бұл туралы 2023 жылғы 7 ақпанда өткен арнайы брифингте ҚР Сыртқы істер министрлігінің ресми өкілі Айбек Смадияров мәлім етті.
"Түркияда 968 Қазақстан азаматы тіркелген: Анкарада - 498, Ыстамбұлда - 45, Анталияда - 189. Сонымен қатар, соңғы мәліметтер бойынша, Түркияда 8219 қазақстандық студент білім алуда. Барлығы түрік мәліметтері бойынша. Елде 75 мыңға жуық Қазақстан азаматы болуы мүмкін», - деді ол.
Сыртқы істер министрлігінің ресми өкілі Түркиядағы қазақстандық дипломаттар осы елде жүрген Қазақстан Республикасының азаматтарымен байланыс орнату бойынша жұмыс жүргізіп жатқанын, студенттерге тиісті ақпараттық хабарламалар жіберілгенін атап өтті.
"Мерсин қаласындағы құрметті консул, Түркия азаматы Ахмет Будан Қазақстанның 25 азаматын, оның ішінде 19 студентті қонақүйден орналастырды. Бүгін осы 19 қазақстандық студент құрметті консулдың көмегімен Анкараға, одан кейін кешке олар Анкара-Астана рейсімен Қазақстанға ұшады". Айбек Смадияров
Оның айтуынша, Түркиядағы қазақстандық дипломаттар елдің төтенше жағдайлар департаментімен тұрақты байланыста.
Бұған дейін Айбек Смадияров Түркиядағы жер сілкінісінен қаза тапқандар мен зардап шеккендердің тізімінде қазақстандықтардың жоқ екенін айтқан болатын.
