Ауғанстан университеттері мен білім беру орталықтары одағының медиа директоры Мохаммад Карим Насири ел университеттеріндегі студенттер саны 70%-ға азайғанын айтты, деп хабарлайды TOLONews.
Білім орталықтары мен жоғары оқу орындарының қожайындары жағдай өзгермесе, амалсыз жабыламыз деп қауіптеніп отыр.
Сенбі күні Жоғары білім министрінің міндетін атқарушы Мавлави Мохаммад Неда Надим билік білім саласына қолдау көрсететінін айтты.
Университет оқытушылары қыздардың алтыншы сыныптан кейін мектепте оқуына тыйым салу мен кедейшілік университеттерге қабылдаудың төмендеуіне басты себеп деп санайды.
"Ислам әмірлігі қыздарға арналған университеттерді қайта ашуы, қатал саясаттың алдын алуы және студенттердің оқуын жалғастыруына мүмкіндік беруі керек деді." оқытушы Фазал Хади Вазин
Кәсіподақтың мәліметінше, егер қыздардың білім алуына қойылған шектеулер өзгермесе, 40 жоғары оқу орны жабылуға мәжбүр болады.
2022 жылдың желтоқсанында Ауғанстанда билікке келген «Талибан» (Қазақстанда тыйым салынған лаңкестік ұйым) әйелдердің жоғары оқу орындарында білім алуына тыйым салғаны белгілі болды.