"Қазгидромет" РМК мәліметінше, алдағы күндері еліміздің басым бөлігіндегі ауа райына Қара теңіз өңірлерінен келетін циклон әсер етеді.
"Циклон батыстан шығысқа қарай жылжи отырып, жауын-шашынның (негізінен жаңбыр түрінде) болуына ықпал етеді", - деді синоптиктер.
Республика бойынша тұман басып, жел күшейеді. Оңтүстік облыстарда найзағай, шаңды дауыл болады деп болжанды.