Орталық коммуникациялар қызметінде өткен брифингте Экология және табиғи ресурстар министрлігі Су ресурстары комитеті төрағасының орынбасары Мақсат Аяшев соңғы бірнеше жылда Қазақстан өзендерінде судың азаю циклі жалғасып жатқанын айтты.
"Суды пайдаланушылар арасында, аймақтар арасында дұрыс бөлу, сол арқылы тығырықтан шығудың жолдарын қарастыру шаралары жүргізілуде. Соған қарамастан су тапшылығына байланысты қауіп бар. Су тапшылығына ең бейім – оңтүстік өңірлер. Суармалы су, сондай-ақ құрғақшылық пен су тапшылығына байланысты батыс өңірлері басым», - деді Мақсат Аяшев.
Оның айтуынша, басқа аймақтар су тапшылығына бейім емес. Дегенмен, қазірдің өзінде Орталық Қазақстанда судың аздығы байқалады, бұрын суы толып жатқан Нұра сияқты өзендер қазір таязданып барады.