1 мамырда "МАЭК" ЖШС жылу электр станциясында энергия блоктары апатты жағдайда ажыратылды, бұл электр энергиясының тапшылығына алып келді.
"Сағат 13:24-те 128 МВт генерациясы бар № 3 энергоблок апатты жағдайда ажыратылды. Сағат 17:38-де 160 МВт генерациясы бар № 2 энергоблок апатты түрде ажыратылды", – делінген хабарламада.
Энергоблоктарды апаттық жөндеу кезінде "МАЭК" ЖШС электр станциясының өнеркәсіптік тұтынушы кәсіпорындарына шектеулер енгізіледі.
Компания өкілдері бұл ретте халықты энергиямен қамтамасыз етуге басымдық берілетінін хабарлады. "KEGOC" АҚ электр желілерінде апаттық ажыратулар жоқ.
