Ақмола облысының оңтүстігінде найзағай ойнап, күн күркірейді деп болжанады. Облыстың солтүстігінде, батысында, оңтүстігінде солтүстік-шығыстан, шығыстан соққан желдің екпіні 15-20 м/с құрайды. Түнде облыстың солтүстік-шығысында топырақ беті қатып, сынап бағаны -1°C дейін төмендеп, үсік жүреді деп күтіледі.
Абай облысының Бесқарағай ауданында төтенше өрт қаупі сақталады.
Жетісу облысында жаңбыр жауады, күндіз таулы аудандарда қатты жаңбыр жауып, найзағай ойнап, күн күркіреп, бұршақ түсуі де ықтимал. Алакөл ауданында оңтүстік-батыстан соққан желдің найзағай кезіндегі екпіні 15-20 м/с, кей тұста 25 м/с құрайды. Талдықорғанда да найзағай ойнап, күн күркірейді деп күтіледі. Оңтүстік-батыстан соққан желдің найзағай кезіндегі екпіні 15-20 м/с болмақ.
Маңғыстау облысының батысында, солтүстігінде, орталығында тұман түседі деп күтіледі. Ақтауда 20 мамырда түнде және таңертең тұман түсуі ықтимал.
Астанада шығыстан 15-20 м/с жылдамдықпен жел соғады деп болжанады.
Батыс Қазақстан облысының солтүстік-шығысында, шығысында найзағай ойнап, күн күркірейді деп болжанады.
Өскеменде, Риддерде күтілетін қолайсыз метеожағдайларға байланысты екінші дәрежелі ҰМУ жайлы ескерту сағат 21:00-ге дейін жарияланады.