Айта кетсек, Құрбан айт мерекесінде мүмкіндігі бар әрбір мұсылман баласы Алла Тағаланың ризашылығы үшін құрбандық шалуы тиіс. Құрбандық шалу тек мал бауыздаумен ғана шектелмейді. Онда адамның ішкі ниеті, шын пейілі, дінге бекемдігі, тақуалығы, басқаларға жанашырлығы таразыға түседі. Сондай-ақ, пенденің пендешілігі мен мәрттігі, сараңдығы мен жомарттығы да сыналады.
Сурет: ҚМДБ баспасөз қызметі
Санитариялық-эпидемиологиялық бақылау комитеті қасиетті "Құрбан айт" мерекесі қарсаңында ел азаматтарына үндеу жасап, аса қауіпті жұқпалы аурулардың, жаппай тамақтан уланудың және мал сату, құрбан шалу кезінде жіті ішек инфекцияларының алдын алу мақсатында мал сою орындарында, қоғамдық тамақтану және мешіттерде, үй жағдайларында сақталуы тиіс талаптар тізбектерін жариялады.