"Қазгидромет" РМК мәліметінше, алдағы үш тәулікте еліміздің басым бөлігінде ауа райы атмосфералық фронтальды учаскелер бойынша анықталады, соған байланысты найзағай ойнап, екпінді жел соғады, қысқа мерзімді жаңбыр жауады.
"1 шілдеде еліміздің батысында қатты жаңбыр жауады, бұршақ жаууы мүмкін, Қазақстанның солтүстігі мен орталығында ауа райы негізінен жауын-шашынсыз болады", – деді синоптиктер.
Синоптиктер күндіз ауа температурасы біртіндеп көтеріледі деп болжады:
- солтүстікте +25+30° ыстыққа дейін;
- орталықта +30+35° ыстыққа дейін;
- оңтүстікте +33+38° ыстыққа дейін;
- оңтүстік-шығыста +28+33° ыстыққа дейін;
- республиканың шығысында +17+25°C-қа дейін.
Болжам бойынша, республиканың батысында температуралық фонда айтарлықтай өзгеріс болмайды. Ауа күндіз +25+30°-қа дейін жылиды, оңтүстік-батыста +33+38° ыстық болады.
