Чилидің оңтүстік және орталық аудандарында бірнеше елді мекен суға кетті. Алапат тасқын егістік алқаптарын шайып кеткендіктен, жергілікті үкімет ауылшаруашылығы секторында төтенше жағдай жариялады, деп жазады qazaqstan.tv.
Бірнеше күн бойы төпелеп жауған нөсер жаңбырдан лай көшіп, кей ауылдарда үйлер мен фермерлердің қонысын қиратқан.
Екі адам қаза тауып, тағы төртеуі жоғалып кетті. "Рейтер" агенттігінің хабарлауынша, ондаған мың адамның дүние-мүлкі де бүлінген.