Үндістан ШЫҰ-ға төрағалық еткен кезеңде бұл бағыттағы ынтымақтастықты дамыту үшін ауқымды жұмыс атқарды. Енді осы стратегиялық маңызды саладағы үздік тәжірибелерді алмасу ісін одан әрі жалғастырып, жолға қойылған байланыстарды сақтау және нығайту маңызды.
"Былтыр Қазақстан БҰҰ-ның электронды үкіметті дамыту индексі бойынша 28-орынды иеленді. Бұл – ШЫҰ-ға мүше мемлекеттер арасындағы ең жоғары көрсеткіш. Қазақстанда жан-жақты цифрлық трансформация үшін қолайлы жағдай жасалған. Мемлекеттік басқару жүйесіне IT шешімдер жүйелі түрде енгізілуде, дамыған банктік экожүйелер пайда болды, қаржылық технологиялар нарығы кеңейіп, электронды коммерция қарқын алуда." Президент
Қазақстан ШЫҰ кеңістігіндегі цифрлық хаб ретінде өз қызметтерін ұсынады. Сондықтан 2024 жылы Астанада ШЫҰ цифрлық форумын Технопарктер мен инновациялық кластерлер пулының басқарушы комитетінің бірінші отырысымен ұштастыра отырып өткізу маңызды деп есептеймін, - деді президент.
"Бірлескен күш-жігер арқылы біз мемлекеттеріміздің барлық азаматтары үшін цифрлық технологиялардың қолжетімділігін қамтамасыз етіп, экономикаларымыздың инновациялық және технологиялық дамуына жаңа серпін бере алатынымызға сенімдімін". Қасым-Жомарт Тоқаев
