"Шығыс Қазақстан облысының мемлекеттік орман қоры учаскелерінде өрт сөндіру үшін ағаш кесуді қоспағанда, шыршаларды санитарлық кесуге тыйым салу енгізілсін", - делінген құжатта.
Шырша көшетіне майқарағайлы, самырсын, шырша жатады. Бұйрық 2023 жылғы 23 шілдеде күшіне енеді.
17 маусым күні Шығыс Қазақстан облысында Катонқарағай саябағы мен Батыс Алтай қорығында өрт шықты. Өртті сөндіруге "Қазавиалесоохрана" мекемесінің қызметкерлері, орманшылар, жергілікті атқарушы органдар, Шығыс Қазақстан облысы Төтенше жағдайлар департаментінің өрт сөндірушілері, Шығыс Қазақстан облысы әкімі аппаратының әуе бөлімшесінің жеке құрамының 111 адамы, үш техникасы және екі тікұшағы жұмылған. Өрт 19 маусымда сөндірілді.
26 маусым күні облыста Приморск орман шаруашылығы аумағында тағы бір өрт шығып, өртті сөндіру барысы таулы, тасты жерлерге байланысты қиындаған.
5 шілдеде Асубұлақ орман шаруашылығында ірі өрт шығып, ол 200-ден астам адам мен 25 техниканың күшімен ауыздықталды.
