Алматылық көлік жүргізушілерінің әл-Фараби даңғылындағы кептелістен қалай да шығуға тырысып жатқанын көрсететін бейнежазба 18 шілде күні Almaty KrisP Instagram аккаунтында жарияланды.
Бейнежазбада жүргізушілердің қоршаудағы "саңылауды" пайдаланып, тротуарға қарай бет алғаны көрсетілген. Көптеген алматылық автокөлік жүргізушілерін қолдайтынын айтты: олардың айтуынша, жүргізушілер бұл амалға "жетіскеннен" барып жатқан жоқ, ұзын-сонар кептеліс салдарынан жаяу жүргіншілер аймағы да жолға айналады. Кейбір желі қолданушылары жақында көліктер тротуарларда да кептеліп тұратынын айтып, әзілдеді.
Әкімдік өкілдері алматылық автокөлік жүргізушілерінің наразылығын тудырған Әл-Фараби даңғылындағы жол жөндеу жұмыстары оқу жылы басталғанға дейін аяқталады деп уәде етті.