Маңғыстау облысында 1 шілдеде Сергек жүйесінің камералары орнатылды. Олар алғаш рет сынақ режимінде жұмыс істеді. 18 шілдеден бастап барлық құрылғы іске қосылып, жол ережесін бұзу фактілерін тіркей бастады. Бұл туралы 24.kz хабарлады.
Алғашқы аптада Маңғыстау облысының жүргізушілері екі мыңнан астам рет ереже бұзған. Барлық құқық бұзушылықты полиция қызметкерлері "Сергек" жүйесі арқылы тіркеген.
"Сергек жүйесі орнатылды. Облыста 148 жүйе бар. Оның ішінде Ақтау қаласында - 108, Мұнайлы ауданында - 40. Мысалы, 8 күнде 2171 заңбұзушылық анықталып, 21 млн 971 теңге. әкімшілік айыппұл салынды".Маңғыстау облысы ІІД Әкімшілік полиция басқармасының бөлім бастығы Тимур Джумалиев
Бүгінде 1300-ден астам құрылғы облыстағы елді мекендер ішіндегі тас жолдар мен жолдардағы жағдайды бақылайды. Барлық деректер өңдеу орталығына жіберіледі. Онда оны мамандар өңдеп, талдайды.