ҰҚК 2023 жылғы 27 шілдеде "Азаматтарға арналған үкімет" Мемлекеттік корпорациясы" коммерциялық емес ұйымының жергілікті бөлімшесі бастықтарының бірін ұсталғанын мәлімдеді. Ол Қазақстанның аса маңызды ақпараттық инфрақұрылымына жататын деректер базасындағы жер учаскелеріне қатысты мәліметтерді пайдакүнемдік ниетте заңсыз өзгертті деген күдікке ілінген.
Zakon.kz редакциясы түсініктеме алу үшін мемлекеттік корпорацияның баспасөз қызметіне жүгінді. ҚР Ұлттық қауіпсіздік комитетінің қызметкерлері мемлекеттік корпорацияның Ақмола облысы бойынша филиалының жер кадастрын тіркеу бөлімінің басшысын ұстағаны белгілі болды.
"Мемлекеттік корпорацияның Ақмола облысы бойынша филиалының жер кадастрын тіркеу бөлімінің басшысын ұстауға мемлекеттік корпорация орталық аппаратының ішкі қауіпсіздік басқармасының қызметкерлері бастамашы болған. Бұған қоса айты кетерлігі, 2022 жылдың қазан айында аталған қызметкердің үстінен шағымдар түсіп, оған 2022 жылдың қарашасында жылжымайтын мүлікті мемлекеттік тіркеу саласындағы заң бұзушылықтар үшін сөгіс жарияланды", - деп хабарлады Zakon.kz сайтына "Азаматтарға арналған үкімет" Мемлекеттік корпорациясы" коммерциялық емес ұйымының баспасөз қызметі.
Мемлекеттік корпорация аталған қызметкердің құқық бұзушылықтары бойынша барлық тиісті материалдар шара қолдану үшін құқық қорғау органдарына жіберілгенін атап өтті.