Әйелдің денесі 2023 жылдың сәуір айының соңында қараусыз қалған ғимараттың жанынан табылды, Қылмыскер марқұмның басын жақын маңдағы дүкенде қалдырған.
Сот отырысы судья Мәртпек Кәкімжановтың төрағалығымен ашық режимде өтуде. Айыптаулы 61 жастағы Асхат Иманқұсов. Ол да, зардап шеккен тарап та видео түсіруге қарсы болды.
Белгілі болғандай, сотталушы Қарағанды облысының тумасы, Алматы қаласында тұрған, әйелі қайтыс болған, бұрын сотты болмаған. Оқиғаға дейін ол заңды қызметке тұрмаған.
Прокурор Мақсат Кеңес айыптау актісін оқыды. Тергеу нұсқасы бойынша, Иманқұсов тұрақты тұрғылықты жері жоқ, кісі өлтіру жоспарын жасап, оны ерекше қатыгездікпен жүзеге асырған.
"Тұрақты тұрғылықты жері жоқ Оксана Айбатулина алкогольді асыра пайдаланатын. Сотталушы түнеу үшін оған Сейфуллин атындағы саябақта кездесуді ұсынған. 10 сәуірде олар кездескен. Бірақ сол күні ол қылмысты жасай алмаған. Алайда 11 сәуір күні олар қайтадан кездескен. Бұл жолы айыпталушы қылмысқа дайындалған. Отырыс алдында басын кесіп алу үшін өзімен бірге пышақ пен сөмкені алып шыққан. Әйел ешнәрседен күдіктенбестен онымен бірге алкогольдік ішімдік ішкен. Кейінірек достарымен қоштасып, еркіне кеткен", - деп мәлімдеді мемлекеттік айыптаушы.
Одан әрі ол сотталушы мен жәбірленуші бірге түнеу үшін кездескенін айтты. Сол кезде Иманқұсов өзінің қылмыстық жоспарын жүзеге асырды.
"Ол пышақ алып, әйелдің мойнына жарақат салып, мойын тамырларына зақым келтірген. Әйел екі минуттың ішінде қайтыс болды. Иманқұсов басын кесіп, сөмкеге салып, оқиға орнынан кетіп қалған".
Тергеу мәліметтеріне сәйкес, қылмыс жасалғаннан кейін келесі күні ол жәбірленушінің басын жұмыс орнына, яғни шұжық сататын дүкенге апаруды ұйғарған.
Сараптамаға сәйкес әйел қан жоғалтудан қайтыс болған.
Өз кезегінде сотталушы бұл қылмысқа қатысы жоқ екенін, оған жала жауып жатқанын айтты.
"Мен не үшін айыпталып жатқанымды түсінемін, бірақ бәрі ойдан шығарылған. Айыпқа деген көзқарасым теріс. Қазір өзімді жаман сезініп тұрмын, ауырып тұрмын, ота жасауым керек, сондықтан сотты кейінге қалдыруыңызды сұраймын", - деді айыпталушы.
Сотталушы өз тағдырын алқабилер шешкенді жөн көрді. Сот бұл өтінішті қанағаттандырды. Осылайша келесі сот отырысы қазылар алқасының қатысуымен өтеді.
Асхат Иманқұсовқа қатысты сот 3 тамызда басталды. Одан кейін алдын ала сот отырысы адвокаттың келмеуіне байланысты кейінге шегерілді.
