ШҚО ПД есірткі қылмысына қарсы іс-қимыл басқармасының жедел уәкілдеріне Өскемен қаласында психотроптық заттарды қойып кетуді жүзеге асыратын облыс орталығының тұрғынына қатысты ақпарат келіп түскен.
Осы ақпаратты тексеру барысында тәртіп сақшылары ШҚО ПД ОЖВ арнайы бөлінісімен бірлесіп, облыс прокуратурасының қатысуымен аталған ер адамды ұстады.
Ұсталған 20 жастағы күдікті дереу жеке тінту кезінде 12 полимерлі ұнтақ және түйіршік түріндегі зат табылып, тәркіленді. Олар сараптама қорытындысына сәйкес, жалпы салмағы 2 грамнан асатын мефедрон және "а-pvp" психотроптық заты екені белгілі болды.
Бұл аса ірі мөлшерге жатады. Ұсталған адамның айтуынша, ол өз қызметін интернет-дүкендердің бірінің көмегімен жүзеге асырған, онда ол есірткі құралдарын қайда қойып кету керектігі туралы "нұсқаулар" алып отырған.
Есірткі қойып кетушіге қатысты келуге міндеттеу түріндегі процестік мәжбүрлеу шарасы таңдалды.
Аталған факті бойынша ҚР ҚК-нің 296-бабы 4-бөлігі (Аса ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) бойынша сотқа дейінгі тергеу басталды, ол үш жылдан жеті жылға дейінгі мерзімге бас бостандығынан айыру жазасын көздейді.