БЖЗҚ "Ерікті зейнетақы жарналары есебінен қалыптасқан жинақтарды ИПБ-ға толығымен аударуға болады" деп атап өтті.
"Шілде айында 583 қазақстандық бұл құқықты пайдаланып, портфельді басқарушыға 820 миллион теңгеден астам ақша аударды. Сонымен бірге БЖЗҚ аударуға 740-тан астам өтінімді орындады", - делінген 2023 жылғы 14 тамыздағы хабарламада.
Қордың мәліметінше, бүкіл кезең ішінде ИПБ-ге 9,8 млрд теңге аударылған.
"БЖЗҚ 3 972 өтініш берушінің 6 738 өтінішін орындады", - делінген хабарламада.
БЖЗҚ салымшыларына 2023 жылғы 1 шілдеден бастап зейнетақы жинақтары сомасының 50%-ға дейінгі бөлігін өз таңдауы бойынша жеке басқарушы инвестициялық компанияларға аудару құқығы Әлеуметтік кодекске сәйкес беріледі.
Қазақстандықтардың зейнетақы жинақтарының басым бөлігі мемлекеттік бағалы қағаздарға, оның ішінде басқа елдердің бағалы қағаздарына салынған.