Тергеп-тексеру кезінде күдіктінің осыған ұқсас төрт ұрлыққа қатысы бар екені анықталды.
"Қылмыстық тізбекке сәйкес, күдікті жеке сектордағы екі дөңгелекті көліктерді қарап жүрген. Ол қолайлы сәтті күтіп, оларды ұрлап кеткен. Аталған барлық жағдай мопедтер иесінің қарауынсыз қалған кезде болған. Ол екі дөңгелекті көліктерді сатып, қылмыстық жолмен тапқан ақшаны өз қажеттілігіне жұмсаған. Н.есімді азамат ұсталып, қамауға алынды. Қазір оның жеке басы басқа да ықтимал эпизодтарға қатысы бар-жоғына мұқият тексеріс жүргізіліп жатыр", – деді Алатау аудандық ПБ-ға қарасты полиция бөлімінің бастығы Асхат Дәулетияров.
ҚР ҚПК-нің 201-бабына сәйкес өзге ақпараттар тергеу мүддесіне орай жариялауға жатпайды.
ҚР Конституциясының 77-бабының 3-тармағының 1-тармақшасына және ҚР ҚПК-нің 19-бабы 1-бөлігіне сәйкес, заңды күшіне енген сот үкімімен белгіленгенге дейін әрбір адам қылмыстық құқық бұзушылық жасауда кінәсіз деп танылады.