"Қазгидромет" РМК ұсынған мәлімет бойынша, еліміздің басым бөлігінде жаңбыр жауады.
Солтүстік-батыста, солтүстікте, оңтүстікте, оңтүстік-шығыста қатты жаңбыр жауады, оңтүстік-шығыстың тауларында қар аралас жаңбыр жауады.
Синоптиктердің мәліметінше, тек республиканың батысында, оңтүстік-батысында күн ашық болады.
"Республика бойынша күн күркіреп, екпінді жел соғады, бұршақ жауады. Республиканың оңтүстік-батысында, оңтүстігінде шаңды дауыл, оңтүстік-шығыста дауыл тұрады. Солтүстік-батыста, солтүстікте, оңтүстік-шығыста тұман түседі", – деп хабарлады синоптиктер.
Астанада – көшпелі бұлт шығады, әлсін-әлсін жаңбыр жауады, найзағай ойнайды. Оңтүстік-батыстан соғатын желдің күші 9-14, кейде екпіні 15-20 м/с болады. Ауа температурасы түнде +7+9°С, күндіз +14+16°С.
Алматыда – көшпелі бұлт шығады, жауын-шашынсыз. Солтүстік-батыстан 3-8 м/с жел соғады. Ауа температурасы түнде +10+12°С, күндіз +23+25°С.
Шымкентте – көшпелі бұлт шығады, жауын-шашынсыз. Батыстан соғатын жел 8-13 м/с. Ауа температурасы түнде +11+13°С, күндіз +25+27°С.