31 қазан күні сағат 20:40 шамасында келіп түскен жедел ақпаратқа сәйкес, жедел-іздестіру шараларын өткізу барысында Маңғыстау облысы полиция департаменті криминалдық полиция басқармасы қызметкерлерімен Ақтау қаласы 7 шағын ауданда орналасқан үйлердің бірінде есірткіні заңсыз сату, сақтау және тасымалдаумен айналысқан азамат ұсталды.
Жеке тінту жұмыстарын жүргізу кезінде марихуана есірткі затына ұқсас жасыл түсті өсімдігі бар 1 қағаз бума тәркіленді. Сондай-ақ күдіктінің пәтерінен марихуанаға ұқсас өсімдігі бар екі қағаз жинақ пен соны қолдануға арналған булбулятор табылып, тәркіленіп алынды.
Тәркіленген заттардың жалпы көлемі 8,81 граммды құрайды.
Аталған дерек ҚР ҚК-нің 297-бабы 1-бөлігі бойынша сотқа дейінгі тергеп-тексерудің бірыңғай тізілімінде тіркелді. 21 жастағы күдікті азамат уақытша ұстау изоляторына қамалды.
Тергеу амалдары жүргізіліп жатыр. Өзге ақпарат тергеу мүддесі үшін жария етілмейді.