Бөлекбаев бүгін жедел кеңес өткізіп, екпінді желдің салдарын жою бойынша қалалар мен аудандар әкімдерінің, ТЖД басшысының есептерін тыңдады.
Оның сөзінше, құлаған ағаштар, сымдар мен тіректер, шатырлар жолдардан алынып тасталды.
"Қала мен облыстың кейбір аудандарында электр қуаты мен жылудың болмау жағдайлары, су қысымының төмендеуі тіркелді. Барлық қызмет апаттарды жою жұмыстарын жүргізіп жатыр", - деді өңір әкімі.
Әкім барлығын өзі қадағалап, бақылап отырғанын айтты:
"Осыған байланысты бүгін қолайсыздықтарды сезінетін тұрғындардың шыдамдылық танытуларын сұраймын. Бұл мәселелер менің бақылауымда".
Еске салайық, бұған дейін Қарағанды облысында екпіні күшті желден 14 ғимараттың шатыры қирағанын хабарлаған едік.
