Елімізде тіркелетін қылмыстардың ішінде соңғы жылдары алаяқтық көбейген. Әсіресе қаржылық алаяқтық алаңдатарлық деңгейге жетті.
Медеу аудандық полиция басқармасының бастығы Ілияс Өмірсеріков ең көп таралған алаяқтық тізбектері туралы баяндады:
1. Қарт адамдарға қатысты алаяқтық. Олар жәбірленушілердің үй телефондарына қоңырау шалу арқылы жүзеге асырылады: алаяқтар өздерін жақын туыстары ретінде таныстырып, олармен кенеттен туындаған жағдайды шешу үшін ақша аудару керек екенін хабарлайды. Көбінесе мәселе жол-көлік оқиғалары туралы болып отыр. Бұл жағдайда әңгімені өзіңіз тоқтатқаныңыз дұрыс.
2. Үлкен дивидендтер уәде ететін онлайн жобаларға ақшалай қаражат салу. Әдетте, азаматтарды криптовалюталарға, акцияларға, бағалы металдарға ақша салуға көндіреді және олар әртүрлі елдердегі жоқ абоненттік нөмірлерден жиі қоңырау шалып, инвестициялаудың артықшылықтары туралы сенімді түрде айтады. Компанияның беделін алдын ала тексеріңіз.
3. Банктен қоңырау шалады. Абонент өзін банктің қауіпсіздік қызметкері ретінде таныстырады және үшінші адамдардың сіздің атыңызға несие рәсімдеу әрекеті туралы хабарлайды. Есіңізде болсын! Банк қызметкерлері ешқашан сіздің картаңыз туралы ақпаратты сұрамайды, сондай-ақ ұялы телефоныңызға жіберілген кіру кодтарын талап етпейді. Мұндай жағдайларда телефонмен сөйлесуді тоқтатып, банк картасында немесе банк сайтында көрсетілген сенімді нөмірге қайта қоңырау шалу керек.
Өте маңызды: – әртүрлі мессенджерлер мен әлеуметтік желілер арқылы сізге жіберілетін күмәнді сілтемелерді баспаңыз және әртүрлі сайттарға банк картаңыздың деректемелерін енгізбеңіз, өйткені бұл вирустық файлдар мен жеке ақпаратыңызды жинауға арналған қосымшалар болуы мүмкін, болашақта сіздің банк картаңыздан рұқсатсыз төлемдер үшін пайдаланылады және қаскөйлерге мобильді банкингтегі қаражатыңызға қол жеткізуге мүмкіндік береді.
"Бүгінде Алматы полициясы алаяқтардың бүгінгі күні қалай әрекет ететіні туралы ақпараттық парақшалар мен анимациялық бейнероликтердің бірнеше нұсқасын әзірледі. Ақпараттандыңыз демек қаруландыңыз. Бұл өнімдер алаяқтардың ең танымал қылмыстық тізбектерін егжей-тегжейлі сипаттайды және оңай ақшаны жақсы көретіндердің қулығына түспеу туралы кеңестер береді. Мақсат – қоғамды қаскүнемдерден қорғау және мұндай қылмыстық көріністердің алдын алу", – деді Ілияс Өмірсеріков.
