Қордай ауданының аумағында соңғы жарты жылда Оңтүстік Азия елдері (Пәкістан, Непал, Шри-Ланка) азаматтарының Қырғыз Республикасы жағынан Қазақстан Республикасының мемлекеттік шекарасының тысқары жерлерінен заңсыз өтуі жиіленгенін атап өту қажет.
2023 жылдың 19 қыркүйегінде Қордай ауданы прокурорының үйлестіруімен ҚК-тің 394-бабының 2-бөлігі бойынша (адамдар тобымен алдын ала сөз байласу арқылы заңсыз көші-қонды ұйымдастыру) полиция бөлімімен қылмыстық іс тіркелді.
2023 жылдың 20 қыркүйегінде Қордай ауданы прокурорының қаулысымен аудандық полиция, шекара қызметі және ұлттық қауіпсіздік органдарының тәжірибелі қызметкерлерінен тұратын ведомствоаралық жедел-тергеу тобы құрылып, олармен бірқатар тергеу амалдары жүргізілді.
Нәтижесінде Оңтүстік Азия елдерінің 20 азаматтарын Қырғыз Республикасынан мемлекеттік шекараның өткізу пунктерінен тыс жерлері арқылы заңсыз көші-қонды ұйымдастырған 3 қылмыскер құрықталып (Қазақстан және Қырғыз азаматтары), қамаққа алынды.
Қазіргі таңда тергеу амалдары жүргізілуде, басқа мәліметтер ҚПК-тің 201-бабының талаптарына сәйкес жариялануға жатпайды. Жамбыл облысының прокуратурасы