КТК телеарнасының хабарлауынша, тағы екі медициналық қызметкер шартты жазамен құтылды. Енді олар үш жылға дейін өз мамандығы бойынша жұмыс істей алмайды
"Құлап қалу туралы уәждерін сот ешқандай негізге алмайды. Себебі ол еш дәлелін тапқан жоқ. Алу мүмкіндігін көп пайызда растаған, босану сәтін де, сол босанғаннан кейін көп кешікпей алған жарақаты бейнежазбада нақты көрінген. Босану залында да шағымды сол жерде айтып, баласын үстінен алып тастауды айтып, сол жақ қабырғасын көрсеткені соған дәлел бола алады".Атырау №2 сот судьясы Эльмира Ойқұлова
Айта кетейік, былтыр қаңтар айында Атыраудағы модуль ауруханада аман-есен босанған ана келесі күні жатырынан қан кетіп, ота үстінде қайтыс болды. 37 жастағы марқұмның артында төрт баласы жетім қалды. Қайтыс болған әйелдің жұбайы мен туыстары бұл жағдайға дәрігерлерді кінәлаған. Өйткені олар босандырған кезде әйелдің денесін қатты жаншып, екі қабырғасын сындырып жіберіпті. Тіпті жас босанған ана қиналып жатқанда да қараусыз қалдырған. Оған қоса, медициналық мекеме науқасқа құятын қан таппаған.
Енді сотталушының әрқайсысы жәбірленуші тарапқа 5 миллион теңгеден төлеугн тиіс. Алайда марқұмның туыстары сот үкіміне көңілі толмай, төрт баланы анасыз қалдырған дәрігерлердің қатаң жазалануын талап етіп отыр.