Төтенше жағдайлар департаментінің мәліметінше, 11 желтоқсан күні сағат 23:41-де өрт сөндіру бөліміне көшенің мекенжайы бойынша хабарлама түскен. Яғни Строительная 1, Воскресенов ауылдық округі әкімдігінің 1955 жылы салынған әкімшілік ағаш (бөрене) ғимараты өртеніп жатыр деген ақпарат түсті.
Өрт салдарынан әкімдік ғимараты толығымен жанып кетті (ауданы – 80 ш.м.).
"Құрбан болғандар мен зардап шеккендер жоқ. Өрттің алдын ала себебі - жылыту пешін орнату кезінде өрт қауіпсіздігі ережелерінің бұзылуы", - делінген Төтенше жағдайлар департаментінің хабарламасында.
Бұған дейін Алматыда жеке үйлердің бірінде қатты өрт шыққан болатын.