Көлік жүргізушісі мен оның жолаушысы үйдің ауласында келе жатқанда, дәрет сындырып жатқан мас адамды байқайды.
Жігіттер бұзақыны жөнге келтірмек болғанда, ол агрессивті әрекет жасап, олармен ауызша жанжал шығарып, арты төбелеске ұласқан.
Төбелес кезінде төбелеске қатысушылардың бірі көліктің оталып тұрғанын байқап, көлікке отырып, белгісіз бағытта із-түссіз тартып отырған.
Жедел-іздестіру шаралары барсында орталық басқару орталығының бейнебақылау камералары арқылы тәртіп сақшылары Абылай хан даңғылындағы үйдің ауласынан ұрланған көліктің ізін анықтаған. Сөйтіп Алматы аудандық полиция қызметкерлері 2 сағаттың ішінде ұрлық жасаған күдіктіні құрықтаған. Ол 36 жастағы қала тұрғыны болған.
Аталған факті бойынша қылмыстық іс қозғалып, тергеу амалдары жүргізіліп жатыр. Оның елордада жасалған осыған ұқсас басқа да қылмысқа қатысы бар-жоғы анықталып жатыр.