Қаланың 74 жастағы тұрғынына белгісіз адамдар оның телефонына қоңырау шалып, немересі апатқа ұшырағанын және бұл жағдайды шешу үшін хабарласып тұрған бейтаныс адамдар белгілі бір ақша сомасын талап еткенін хабарлаған.
Уайымдаған зейнеткер өзінің барлық жиған-терген ақшасын жинап, ақшаны алып кететін адамды күткен.
Бірақ соған қарамастан, сенімсіздік сезімі ұялап, егде жастағы әйел эмоцияға берілмей, күдікті қоңырау туралы өзінің учаскелік полиция инспекторына хабарлаған.
Полиция қызметкері Берік Маусеитов егде жастағы әйелді алаяқтар алдағанын түсініп, оны ешбір жағдайда қаскүнемдерге ақша бермеуге көндірген.
Полиция қызметкерінің қырағылығы мен жедел әрекет етуінің арқасында зейнеткер алаяқтардың арбауына түскен жоқ.
Полиция барлық азаматты қырағы және мұқият болуға, сондай-ақ ешбір жағдайда бейтаныс адамдарға ақша бермеу, жеке деректерін (аты-жөні, ЖСН, карта нөмірі, жеке куәлік нөмірі және т.б.) жария етпеу және күмәнді қосымшаларды жүктемеу туралы ескертеді.
