Таратылған хабарламада 2023 жылдың соңында Алматы қалалық Төтенше жағдайлар департаментінің тапсырысы бойынша автоматтандырылған алдын ала ескерту жүйесінің (АСРО) 28 сейсмикалық стансасының құрылысы аяқталғаны атап өтілді.
"Жоба кезең-кезеңімен жүзеге асырылды: 2022 жылға – 11 сейсмикалық стансаның құрылысы, 2023 жылға – 17 сейсмикалық стансаның құрылысы. Қазіргі уақытта жүйе сынақтық пайдалануға қабылданып, шетелдік тәжірибеге сәйкес, сынау кезеңінен өтіп, сынақ режимінде. " Алматы қаласы Төтенше жағдайлар департаментінің баспасөз қызметі
Сондай-ақ жүйенің тестілеу кезеңі шамамен 2024 жылдың бірінші жартысының соңына дейін созылатыны айтылады.
Алматыда 23 қаңтарға қараған түні бес балдық жер сілкінісі болды. Оның ошағы Қытайдың Уши уезінде болды, жер сілкінісінің күші 7,1 баллды құрады.
Бұдан кейін Алматы қалалық Төтенше жағдайлар департаментінің басшысы Нұрлан Атығаев сейсмикалық стансалар сезіну қабілеті бойынша магнитудасы 5,5-тен жоғары тербелістерді анықтаған кезде ғана сиреналар іске қосылатынын айтты.
24 қаңтарға қараған түні Қытайда жаңа жер сілкінісі болды, Алматыда магнитудасы екі болды.
